உலக பசி குறியீடு தரவரிசை.. நாட்டின் இமேஜை கெடுக்க முயற்சி – இந்தியா சாடல்!

121 நாடுகள் அடங்கிய இப்பட்டியலில் இந்தியா 107வது இடத்தில் உள்ளது. கடந்த ஆண்டு 101வது இடத்தில் இருந்தது குறிப்பிடத்தக்கது. பாகிஸ்தான் 99வது இடத்திலும், இலங்கை 64வது இடத்திலும், வங்கதேசம் 84வது இடத்திலும் நேபாளம் 81வது இடத்திலும், மியான்மர் 71வது இடத்திலும் உள்ளன. இந்த பட்டியலில் சீனா, துருக்கி, குவைத் உள்ளிட்ட 17 நாடுகள் 5க்கும் கீழ் சர்வதேச பசி குறியீட்டு மதிப்பெண் பெற்று பசி இல்லாத நாடாக முன்னணியில் உள்ளன.

இந்நிலையில், உலக பசி குறியீட்டு தரவரிசையை இந்தியா ஏற்க மறுத்துள்ளதோடு, நாட்டின் இமேஜை கெடுக்கும் தொடர்ச்சியான முயற்சி என குற்றம் சாட்டி உள்ளது. மேலும், பசியின் தவறான அளவீடு என்றும், குறியீட்டைக் கணக்கிடுவதற்குப் பயன்படுத்தப்படும் நான்கு காரணிகளில், மூன்று, குழந்தைகளின் ஆரோக்கியம் தொடர்பானவை என்றும், இந்த கணக்கெடுப்பு, மிகச்சிறிய அளவில் எடுக்கப்பட்டு உள்ளது என்றும் இந்தியா தெரிவித்து உள்ளது.